Naslovna Herceg Sport Argentina šampion svijeta treći put u istoriji

Argentina šampion svijeta treći put u istoriji

0

Fudbalska reprezentacija Argentine treći put u istoriji osvojila je titulu prvaka svijeta, pošto je u spektakularnom finalu u Dohi savladala Francusku poslije boljeg izvođenja penala 4:2 – 3:3 (2:2)

Argentina je do treće svjetske titule došla nakon što je u 90. minuta bilo 2:2, a po jedan gol na obje strane pao je u produžetku pa se otišlo u uzvođenje penala.

„Gaučosi“ su bili bolji u izvođnjenju jedanaesteraca 4:2 i treće put u istoriji pokorili planetu.

Tok utakmice:

Penali:

Francuska: Mbape (O), Koman (X), Čuameni (X), Kolo Muani (O)

Argentina: Mesi (O), Dibala (O), Paredes (O), Montiel (O).


120+5′ Kraj dugog produžetka. Penali odlučuju pobjednika.

120+3′ Velike prilike na obje strane! Martinez je obranio jedan-na-jedan situaciju Kolo Muaniju, a na drugoj strani iz brze kontre Lautaro glavom puca pored gola.

118′ GOOOL Mbape pogađa za 3:3 iz penala. 

117′ Penal za Francusku. Mbape je šutirao izvana, a Montiel je rukom blokirao udarac.

109′ GOOOL Mesi dovodi Francuze u vođstvo. Argentina ima 3:2. Lautaro je šutirao, Ljoris odbio, a Mesi odbijanac gurnuo u gol. Skoro je to na liniji očistio Upamekano, ali je lopta već cijelim obimom prešla crtu.

106′ Počeo je drugi produžetak.


105+6′ Kraj prvog produžetka.

105+5′ Upamekano i Varan spašavaju Francusku.Prvo je jedan štoper izblokirao stopostotnu šansu, a onda je drugi glavom spriječio bombu koja je išla ka lijevom gornjem uglu Ljorisa.

100′ Mijenja i Skaloni. Alvarez i De Pol izlaze, a ulaze Lautaro Martinez i Paredes.

99′ Kolo Muani se krasno riješio čuvara na lijevoj strani, ali je ušao u gužvu i izgubio loptu.

95′ Izmjena kod Francuza. Rabio izlazi, Fofana ulazi.

93′ Prvi pokušaj u produžecima. Mekalister je pokušao sa distance da zaprijeti, imao je prostora za udarac, ali je poslao loptu pored gola.

91′ Počeo je prvi produžetak finala koje je opravdalo očekivanja.


90+9′ Kraj drugog poluvremena. Igraće se produžeci. Pred nama je još pola sata drame.

90+4′ Prilika za Francusku! Kamavinga je odigrao povratnu loptu za Rabioa, a njegov udarac uz manje probleme brani Martinez.

90+3′ Razigrao se Mbape. Šutirao je s 20-ak metara u punom trku, lopta od bloka odlazi u korner.

90′ Igraće se još 8 minuta.

82′ GOOOL Francuska izjednačuje na 2:2. Prava ludnica u Dohi. Ponovo je Mbape strijelac.

Odlična akcija Francuza, Mbape i Kolo Muani odigrali su dupli pas, a nakon Muanijevog dodavanja glavom Mappe je sjajno zahvatio loptu iz poluvoleja i matirao Martineza.

81′ GOOOL Mbape pogađa. Jak šut u lijevi ugao i Francuska smanjuje na 2:1. Čeka nas luda završnica.

 

79′ Penal za Francusku. Otemendi srušio Kolo Muanija, a Marčinjaka je pokazao na bijelu tačku.

72′ Fernadez dobija povratnu loptu i šalje udarac sa distance ali ravno u čuvara mreže Francuske.

71‘ Kamavinga i Koman mijenjaju Grizmana i Ernandeza.

70′ Mbape se sam izborio za poziciju, ali njegov šut sa ivice kaznenog prostora odlazi preko gola Argentine.

68′ Prvi šut Francuza prema golu. Kolo Muani je glavom šutirao pored lijeve stative Argentinaca.

64′ Prva promjena kod Argentine. Akunja ulazi umjesto Di Marie.

63′ Još jednom prijeti Argentina. Lijepa akcija, Alvarez je gurnuo loptu prema Mekalisteru, ali u zadnji tren reaguje Ljoris.

60′ Di Marija je „izvrtio“ Francuze i lopta je stigla do Mesija koji šutira pored desne stative svjetskih šampiona. Nakon sat vremena igre ekipa Didijea Dešampa nema šut na gol Argentine.

59′ Sjajna lopta Di Marije, šutirao je Alvarez u bliži ugao ali brani to Ljoris i ostaje 2:0 za Argentinu.

55′ Požutio je Rabio zbog prekršaja na De Polu.

51′ Prvi korner na utakmici za Francuze. Izveo je Grizman ali hvata tu loptu Martinez.

46′ Fernandez je dodavanjem tražio Mekalistera, Ljoris je istrčao na vrijeme i pokupio tu loptu.

46′ Počelo je drugo poluvrijeme, pred Francuzima je 45. minuta da se pokušaju vratiti u utakmicu.

45+7 Kraj prvog poluvremena.

45‘ Igraće se 7 minuta sudijske nadoknade. Francuzi dosad bez šuta u okvir gola.

41′ Mijenja Dešamp. Izlaze Dembele i Žiru, a ulaze Tiram i Kolu Muani.

36′ GOOOL Di Marija pogađa za 2:0

Bio je to brzi napad Argentine, Mesi je na centru dodao Alvarezu, a on izbacio Mekalistera koji je u punom sprintu krenuo prema golu.

Zatim je Mekalister sjajnim dodavanjem pronašao Di Mariju, koji koristi zicer i povećava vođstvo Argentine.

33′ Nastavlja se dominacija gaučosa. „Trikolori“ ne uspijevaju da se vrate ni poslije primljenog pogotka i imaju problem da zadrže loptu u svom posjetu.

30′ Zaoštrila se igra, nekoliko žestokih duela na terenu.

27′ Iz slobodnog udarca je u šesnaesterac ubacio je Grizman, međutim, obrana Argentine je otklonila opasnost.


Rekord Mesija

Lionel Mesi postao igrač sa najviše odigranih utakmica u istoriji na Mundijalima.Iskusni fudbaler je danas upisao svoj 26. nastup i na taj način prestigao Lotara Mateusa, koji je do danas držao taj rekord. Mesi je na Svjetskim prvenstvima postigao 11 golova, dok se ove godine u Kataru pet puta upisao u strijelce.


23′ GOOOL Mesi pogađa za 1:0, Ljoris je bio nemoćan i Argentincima se isplatila agresivna igra.

21′ Anhel Di Marija izborio penal za Argentinu. On je završio na travi poslije duela sa Dembeleom.

20′ Grizman izvodi slobiodnjak, Žiru je skočio na centaršut iz slobodnog udarca i šutirao glavom, ali je lopta otišla iznad gola.

19′ De Pol je povukao protivnika na pod. Još jednom će Francuska izvesti slobodan udarac.

17′ Šansa za Argentinu. Rabio je napravio veliku grešku na sredini terena, a Argentina je u nekoliko poteza stigla do kaznenog prostora Francuske. Nakon povratnog dodavanja lopta nije stigla do Mesija, ali jeste do Di Marija, a nakon njegovog lošeg udarca završila je visoko preko gola.

14′ Mbape u prvoj ozbiljnijoj akciji Francuske ali lopta je završila u rukama Martineza nakon kombinovanja sa Grizmanom.

13′ Jak tempo Argentine, Francuzi pokušavaju da uspore igru.

11′ Ljoris se drži za rame, ali čuvar mreže „trikolora“ će nastaviti utakmicu.

8′ Šut De Pola, ali blokiraju Francuzi, tačnije Varan i odlazi lopta u korner koji izvodi Mesi. Nakon gužve u šesnaestercu dosuđen faul u napadu.

5′ Vezane greške Francuza pokušao je kazniti Alvarez udarcem izvana, ali išlo je to ravno u Ljorisa.

4′ Upamekano  je grubo startao i Marciniak je svirao faul.

3′ Julian Alvarez  je bio iza zadnje linije, izgledalo je opasno za Francuze, ali sviran je ofsajd.

1′ Nakon intoniranja himni Argentine i Francuske, Marčinak je dao znak za početak utakmice i prvi sa centra su krenuli Francuzi.


SASTAVI

Argentina:

Martinez – Taljafiko, Romero, Otamendi, Molina – De Paul, Fernandez, Mek Alister, Di Marija – Mesi, Alvarez

Francuska:

Ljoris – Ernandez, Varan, Upamekano, Kunde – Rabio, Čuameni, Grizman, Dembele – Embape, Žiru.

Sudija:

Simon Marčinjak (Poljska)


Pratite nas na našoj Facebook i Instagram stranici i Twitter nalogu.

POSTAVI ODGOVOR

молимо унесите свој коментар!
овдје унесите своје име